Апазіцыянера асудзілі за распаўсюд ўлётак перад «Чарнобыльскім Шляхам»
- 23.04.2009, 8:55
Брагінскі раённы суд аштрафаваў гомельскага актывіста апазіцыі Аляксандра Працко на 3 базавых велічыні за раздачу ўлётак з інфармацыяй аб маючым адбыцца ўскладанні кветак да помніка адселеным вёскам у Чарнобыльскай зоне.
Яго прызналі вінаватым у парушэнні артыкула 23.34 "Парушэнне парадку арганізацыі ці правядзення масавага мерапрыемства ці пікетавання", перадае сайт Odsgomel.org.
Разам з Аляксандрам Працко была таксама затрыманая Наталля Шчукіна, аднак на яе пратакол складзены не быў.
Нагадаем, сёння актывісты АГП Аляксандр Працко і Наталля Шчукіна ў Брагіне раздавалі гараджанам улёткі, у якіх АДС паведамляюць пра намер ўскласці кветкі і вянкі да помніка адселеным вёскам і першаму пажарніку, які загінуў ад радыяцыі, Васілю Ігнаценку. Іх затрымалі супрацоўнікі міліцыі і абвінавацілі А. Працко ў арганізацыі несанкцыянаванага мітынгу.
