Багапш упэўнены, што Лукашэнка прызнае незалежнасць Абхазіі
6- 3.04.2009, 8:58
Прэзідэнт Абхазіі Сяргей Багапш заяўляе, што прызнанне незалежнасці Абхазіі нібыта непазбежнае.
«Прызнанне незалежнасці сусветнай супольнасцю з'яўляецца непазбежным працэсам, звароту да ранейшага палітычнага і эканамічнага ўкладу не будзе», - заявіў прэзідэнт непрызнанай рэспублікі, перадае агенцтва «GHN».
Палітык дадаў, што калі раней еўракамісары спрабавалі пераканаць Абхазію наладзіць дыпламатычныя адносіны з Грузіяй, то цяпер яны кажуць аб бяспецы мірнага насельніцтва ў прымежных раёнах, магчымасці працы гуманітарных еўрапейскіх арганізацый на тэрыторыі Абхазіі.
«Ёсць падставы спадзявацца, што да канца года нашу незалежнасць падтрымае Беларусь», - заяўляе Сяргей Багапш.
Нагадаем, што пакуль незалежнасць Абхазіі і Паўднёвай Асеціі прызналі толькі Расея і Нікарагуа. Аб падтрымцы Расеі ў пытанні прызнання Абхазіі і Паўднёвай Асеціі заяўлялі прадстаўнікі шэрагу краін, у тым ліку Аляксандр Лукашэнка, аднак ні адна з іх афіцыйна не падтрымала незалежнасць рэспублік.
Еўрапейскі звяз не раз заяўляў, што рашэнне аб развіццё дыялогу паміж Еўропай і афіцыйным Менскам будзе залежыць, у прыватнасці, ад таго, як беларускія ўлады паставяцца да пытання прызнання «краін», змешчаных на грузінскай тэрыторыі.
Нядаўна ў Сочы з Сяргеем Багапшам сустрэўся Аляксандр Лукашэнка асабіста.
