Жыхар Добруша абрабаваў разлікова-касавы цэнтр банка
6- 30.04.2009, 11:47
29 красавіка ў добрушскі банк уварваўся мужчына, які здзейсніў рабаванне ў лепшых традыцыях галівудскага кіно.
Як паведамляе БелаПАН, у сераду ў 16:40 у разлікова-касавым цэнтры банка Добруша спрацавала сігналізацыя. Супрацоўнікам міліцыі, якія прыбылі на месца, касір банка паведаміў, што ў будынак увайшоў мужчына з павязкай на твары. Ён пераскочыў праз стойку, забраў 52 тысячы расейскіх рублёў і больш за 1,5 тысячы даляраў ЗША, і ўцёк.
Знайсці злачынца дапамаглі камеры відэаназірання. Супрацоўнікі міліцыі затрымалі падазраванага – 34-гадовага жыхара Добруша, раней судзімага. На яго была заведзеная крымінальнае справа. Выкрадзеныя грошы канфіскавалі.
