Еўрапейцы павінны запрасіць Лукашэнку ў Гаагу

Так лічыць большасць удзельнікаў інтэрнэт-апытання.

Сайт Хартыі’97 прапанаваў чытачам адказаць на пытанне «Як Вы лічыце, еўрапейцы павінны запрасіць Лукашэнку: у Прагу ці ў Гаагу?». Усяго 11,3 адсотка ўдзельнікаў апытання лічаць, што Лукашэнку павінны запрасіць на саміт Еўразвяза, які пройдзе 7 траўня ў Празе. Большасць тых, хто прагаласаваў – 88,7 адсоткаў - упэўненыя, што дыктатар павінен ехаць толькі ў Гаагу.

Нагадаем, што ў нідэрландском горадзе Гаага дзейнічае пастаянны Міжнародны трыбунал. Трыбунал упаўнаважаны ажыццяўляць судовы пераслед кіраўнікоў дзяржаваў і асобаў, загады якіх прывялі да наўмысных забойстваў, прычынення цяжкіх пакутаў і калецтваў, а таксама генацыду якойсьці нацыянальнай, этнічнай ці рэлігійнай групы.