Транспарант «Свабоду палітвязням!» у цэнтры Менска (Фота)
- 13.05.2009, 10:01
Менчукам зноў нагадалі пра тое, што ў Беларусі ёсць людзі, якія знаходзяцца ў турмах з-за сваіх палітычных перакананняў.
Транспарант з надпісам «Свабоду палітвязням!» быў вывешаны 12 траўня ў цэнтры Менска. Актывісты грамадзянскай кампаніі «Еўрапейская Беларусь» замацавалі яго на мосце над вуліцай Няміга.
Нагадаем, што з 1 траўня ў беларускай сталіцы праходзяць акцыі салідарнасці з лідэрамі прадпрымальнікаў Мікалаем Аўтуховічам, Юрыем Лявонавым і Уладзімірам Асіпенкам, якія з 8 лютага знаходзяцца ў турме. 16 красавіка Мікалай Аўтуховіч абвясціў галадоўку. Ён патрабуе перадачы справы ў суд альбо вызвалення пад падпіску аб невыяздзе.
Раней міжнародныя арганізацыі прызналі Юрыя Лявонава і Мікалая Аўтуховіча вязнямі сумлення.
![](/photos/20090513-1_rast.jpg)
![](/photos/20090513-2_rast.jpg)