Акцыі ў падтрымку Аўтуховіча прайшлі сёння ў Менску і Салігорску (Фота)
- 19.05.2009, 14:14
Актывісты грамадзянскай кампаніі «Еўрапейская Беларусь» кожны дзень праводзяць акцыі салідарнасці з палітвязнямі.
Сёння маладыя апазіцыянеры вышлі на адну з вуліцаў у цэнтры Менска з партрэтамі Мікалая Аўтуховіча, Юрыя Лявонава і Уладзіміра Асіпенкі.
Сёння ж акцыя салідарнасці прайшла ў Салігорску. Некалькі актывістаў «Еўрапейскай Беларусі» прайшлі па цэнтральных вуліцах горада, узняўшы рукі за галаву і з прымацаванымі да грудзей партрэтамі палітвязняў, паведамляе сайт «Еўрапейскай Беларусі».
Нагадаем, што адзін з палітвязняў Мікалай Аўтуховіч ужо 33 дні трымае галадоўку пратэсту. Ён патрабуе ў кароткі тэрмін ці перадаць справу ў суд, ці змяніць яму, а таксама падследным па гэтай справе Уладзіміру Асіпенку і Юрыю Лявонаву меру стрымання пад вартай пад падпіску аб невыяздзе.
![](/photos/20090519-2_eb.jpg)
Менск
![](/photos/20090519-1_eb.jpg)
Менск
![](/photos/20090519-5_eb.jpg)
Салігорск
![](/photos/20090519-4_eb.jpg)
Салігорск