«Мотаршоў» у Менску адкрываў Дзмітрый Лукашэнка (Фота)

6 мая ў Менску (Беларусь), у Футбольным манежы адкрыўся міжнародны аўтасалон «Мотаршоў».

Адкрыццё выставы традыцыйна праходзіць у VIP-фармаце. Квіткі ў гэты дзень даражэйшыя, чым у астатнія. Ды і наведвальнікі, як правіла, персоны вядомыя, піша «Комсомольская правда в Беларуси».

У першую гадзіну працы «Мотаршоў» у футбольным манежы з'явіўся сярэдні сын беларускага кіраўніка Дзмітрый Лукашэнка. Ненадоўга ён затрымоўваўся амаль ля кожнага стэнда. Ацэньваў памер багажніка выстаўленых аўто і аглядаў іх з усіх бакоў. Не абыйшоў бокам Дзмітрый і экспанаты, неяк незвязаныя з аўтамабілямі - кампутарныя масажныя крэслы на пульце кіравання. Яны рэлаксуюць нервовую сістэму і падвышаюць стрэсаўстойлівасць. Праўда, прысесці не вырашыўся.

На стэндах выставы можна ўбачыць больш за 150 аўтамабіляў, у тым ліку больш за два дзясяткі сусветных навінак. Сярод іх - Audi Q7 і Audi TT у дапрацоўцы PPi, якія прынялі ўдзел ва ўсіх прэстыжных выставах свету. Mercedes-Benz прывёз абноўлены седан Е-класа і новы аўтамабіль GLK-класа.

Афіцыйны імпарцёр Citroen у Беларусі паказвае на «Мотаршоў» адразу некалькі навінак, найбольшую цікавасць з якіх выклікае кросовер Citroеn C-Crosser. На стэндзе кампаніі Skoda можна ўбачыць Skoda Superb і паўнапрывадную версію абноўленай Skoda Octavia.

Volkswagen прэзентуе самыя чаканыя навінкі года: прадстаўніцкі Passat CC, легендарны Golf VI і спорткупэ Scirocco. Peugeot прадстаўляе культавы кабрыялет 308 CC. Наведвальнікі азнаёмяцца з абноўленымі версіямі Mitsubishi Pajero Sport і Colt, Ford Fiesta і Ka, а таксама цалкам новыя аўтамабілі Ford Kuga, Mitsubishi Lancer Sportback, і модны кросовер Volvo XC60.

Аўтасалон будзе працаваць да 10 мая.