Даляр перайшоў мяжу ў 2900 рублёў

Некаторыя беларускія банкі сёння вызначылі курсы на амерыканскую валюту, якія перасягнулі «гістарычную» мяжу.

Здаць даляр сёння можна за 2900 рублёў, а набыць за 2911. Такія курсы вызначыў адзін з беларускіх банкаў, паведамляе «Еўрарадыё».

У большасці ж банкаў амерыканскую валюту скупляюць ад 2845 рублёў за адзін даляр да 2890.

З моманту праведзенай 2 студзеня аднамомантавай 20%-ай дэвальвацыі нацвалюты, курс беларускага рубля да даляра ўпаў на 7,70%, да еўра – на 7,12%, да расейскага рубля – на 0,24%.