Пракаповіч: «Эканамічныя праблемы сталі вельмі вострымі, каб іх вырашаць у цяперашніх умовах»
32- 6.07.2009, 15:25
Кіраўнік Нацбанк канстатаваў абвастрэнне праблем беларускай эканомікі, якія паўплывалі на скарачэнне валютнай выручкі.
«Ва ўмовах сусветнага фінансавага крызісу ў беларускай эканоміцы абвастрыліся праблемы, якія былі раней», — заявіў 6 ліпеня старшыня кіравання Нацыянальнага банка Беларусі Пётр Пракаповіч на міжнародным банкаўскім форуме ў Менску, паведамляе БелаПАН.
«Сёння праблемы сталі вельмі вострымі, каб іх вырашаць у цяперашніх умовах. З пачатку года мы маем значнае скарачэнне экспарту — фактычна 46%, натуральна, гэта пацягнула значнае скарачэнне валютнай выручкі», — адзначыў Пракаповіч.
Як заявіў Пракаповіч, эканамічны рост не такі, якім быў у мінулым годзе, па выніках пяці месяцаў ён склаў толькі 1,5%. «Але ўсё жа гэта эканамічны рост», — сказаў галоўны банкір.
Пракаповіч лічыць глабальны фінансава-эканамічны крызіс, які працягваецца, найглыбейшым за апошнія 70 год.
«Мы зараз працуем ва ўмовах глабальнага фінансава- эканамічнага крызісу, больш за 70 год мы не ведалі такога крызісу», - заявіў Пракаповіч.
