Малдова будзе дамагацца ўваходжання ў НАТА

Малдаўская парламенцкая кіруючая кааліцыя збіраецца правесці ўсенародны рэферэндум па інтэграцыі краіны ў НАТА.

Пра гэта мясцовай газеце Timpul («Час») заявіў лідэр Ліберальна-дэмакратычнай партыі Малдовы Улад Філат, які, як мяркуецца, зойме месца спікера парламента.

Як адзначаюць эксперты, перспектывы ўваходжання Малдовы ў НАТА па зразумелых прычынах сапсуюць адносіны рэспублікі, якая дагэтуль захоўвала нейтральны статус, з Расеяй.

Паміж тым уваходжанне ў НАТА стане арганічным працягам палітыкі, якая праводзіцца новай уладай, дапускаючай магчымасць змены Канстытуцыі і агітуючай за актыўную інтэграцыю ў ЕЗ.

Па словах Філата, праз два-тры гады кіруючая кааліцыя паспрабуе правесці агульнанацыянальны рэферэндум з нагоды магчымага ўваходжання Малдовы ў НАТА. Да рэферэндуму кааліцыя будзе праводзіць агітацыйную працу сярод насельніцтва.

Такім чынам, кіруючую кааліцыю больш не вабіць членства Малдовы ў СНД. На карысць змены курсу кажа і значнае паніжэнне экспарту Малдовы ў краіны Садружнасці, які стаў менш за экспарт у краіны ЕЗ. З чатырох партый, якія ўвайшлі ў склад новай кіруючай кааліцыі ў Малдове - Альянса за еўрапейскую інтэграцыю, - толькі Дэмакратычная партыя пакінула сваім лозунгам захаванне членства ў СНД.

Па словах Філата, «Садружнасць - мёртванароджаны інстытут», сустрэчы на вышэйшым узроўні ў якім зводзяцца да дэгустацыі вінаў. Нагадаем, што ў кастрычніку ў Кішынёве адбудзецца саміт кіраўнікоў дзяржаў СНД.