Уладзімір Варонін пакінуў пост прэзідэнта Малдовы
8- 2.09.2009, 13:27
Згодна з законам, выконваць абавязкі кіраўніка дзяржавы зараз будзе спікер парламента Міхай Гімпу – лідэр Ліберальнай партыі.
«Уладзімір Варонін сыходзіць працаваць у парламент», - паведаміў РИА «Новости» адзін з сябраў ЦК Партыі камуністаў. Фракцыі камуністаў, якую узначаліць экс-прэзідэнт, у парламенце належыць 48 месцаў са 101.
Малдова з вясны гэтага года шукае выйсце з палітычнага крызісу. Нядаўна адбыліся паўторныя парламенцкія выбары, на якіх Камуністычная партыя не здолела атрымаць парламенцкую большасць.
Новая парламенцкая кааліцыя арыентавана на Захад, а не на Расею. Галоўнай сваёй задачай яна назвала курс на еўраарыентацыю і ўжо выступіла з ініцыятывай правядзення рэферэндума па інтэграцыі ў НАТА.
