Фінскае тэлебачанне пра беларускі «Свабодны тэатр» (Відэа)

Сюжэт пра беларускі «Свабодны тэатр» быў паказаны на фінскім тэлеканале MTV3 у нядзельным выпуску навінаў у прайм-тайм.

Пра гэта паведаміў у сваім блогу стваральнік і кіраўнік тэатра Мікалай Халезін.

«Свабодны тэатр» — гэта незалежны тэатральны калектыў, які не мае ў Беларусі ўласнай сцэны. У той жа час «Свабодны тэатр» уваходзіць у Еўрапейскую тэатральную канвенцыю, з'яўляецца лаўрэатам прэміі Французскай Рэспублікі ў галіне абароны правоў чалавека. У 2008 годзе «Свабоднаму тэатру» уручаная тэатральная прэмія Еўропы — «Еўрапейскі тэатральны «Оскар». Калектыў прэзэнтуе Беларусь на тэатральных пляцоўках Еўропы, Азіі, Амерыкі, Аўстраліі і Афрыкі.