Пажар у інтэрнаце менскага Медуніверсітэта
6- 18.01.2010, 9:57
Больш за 60 студэнтаў медыцынскага ўніверсітэта былі эвакуяваныя з-за пажару, які адбыўся ўначы ў інтэрнаце на праспекце Дзяржынскага ў Менску.
Пра гэта паведаміў агенцтву «Інтэрфакс» у панядзелак прэс-сакратар Менскага гарадскога ўпраўлення МВЧС Аляксандр Лапанік.
«У пакоі студэнта-замежніка, які пражывае ў інтэрнаце БДМУ у Менску, уначы загарэлася маёмасць. Выратавальнікі, якія прыбылі на месца пажару, за 14 хвілінаў ліквідавалі пажар і эвакуявалі больш за 60 жыхароў інтэрната», паведаміў Лапанік.
Паводле яго словаў, папярэдняй прычынай пажару з'яўляецца выкарыстанне абагравальніка. «На пажар у пакоі замежніка зрэагавала сістэма перадачы паведамлення аб НЗ «Маланка», удакладніў суразмоўца агенцтва.
Лапанік паведаміў, што ў гэты час удакладняецца памер шкоды, нанесенай агнём. Пажар абыйшоўся без ахвяраў.
