Зноў даражэюць цыгарэты
13- 27.01.2010, 8:58
Міністэрства эканомікі Беларусі пастановай ад 22 студзеня № 2 павысіла рознічныя цэны на 10 найменняў уласных марак цыгарэт.
На гэты раз гаворка ідзе пра цыгарэты, што вырабляюцца ААТ «Гродзенская тытунёвая фабрыка «Нёман», якія падаражэюць на 4,3-12,5% або на 50-150 рублёў за 1 пачак.
Акрамя таго, у сярэднім на 7,8% падвышаны кошт на 2 маркі цыгарэт, якія вырабляюцца на ААТ «ГТФ «Нёман» па праграме імпартазамяшчэння.
Дадзенае рашэнне прынята ў мэтах кампенсацыі росту акцызу на тытунёвую прадукцыю.
Нагадаем, што летась неаднаразова падвышаліся цэны на цыгарэты замежных марак.
