Апазіцыя ўжо вылучыла ва ўчастковыя выбаркамы больш за 1000 чалавек
13- 28.10.2010, 17:09
З улікам вылучэнцаў шляхам збору подпісаў гэтая лічба можа дасягнуць дзвюх тысяч чалавек.
Кампанія «За справядлівыя выбары», якая аб'яднала 14 партый і грамадскіх арганізацый, вылучыла ў склад выбарчых камісій больш за тысячу чалавек, хоць планавалі 500.
Пра гэта 28 кастрычніка паведаміў каардынатар кампаніі Сяргей Калякін, піша «Беларускі партызан».
«Мы перавысілі запланаваны мінімум больш чым у два разы - планавалі вылучыць ў камісіі каля 500 чалавек. Гэта звязана з актыўнасцю людзей, якія падтрымалі нашую кампанію. Пры гэтым я не ўключаю сюды людзей, якія збіраюцца вылучацца ў камісіі шляхам збору подпісаў», - адзначыў Сяргей Калякін.
Палітык сцвярджае, што запланаваную тысячу назіральнікаў на прэзідэнцкія выбары кампанія «За справядлівыя выбары» таксама вылучыць без асаблівых намаганняў.
