Блогер просіць Пяткевіч узгадніць яго перадвыбарчы постэр (Фота)

Патэнцыйны кандыдат у дэпутаты Менгарвыканкама, блогер Яўген Ліпковіч звярнуўся з заявай да намесніцы кіраўніка адміністрацыі Лукашэнкі Наталлі Пяткевіч.

«У сувязі з тым, што ўпраўленне арганізацыйна масавай работы ідэалагічнага ўпраўлення Менгарвыканкама праявіла баязлівасць (выканаўца Тамільчык, кіраўнік Хільман) і на фармальнай падставе адмовілася разглядаць пытанне аб узгадненні эскіза інфармацыйнага постэра для размяшчэння яго на рэкламных канструкцыях у Валгаградскай выбарчай акрузе № 54 г. Менска, пераканаўча прашу вашае ўпраўленне ўзгадніць інфармацыйны постэр, які прыкладаецца. Прашу праявіць разуменне, што тэрміны кампаніі па зборы подпісаў абмежаваныя і паскорыць працэс прыняцця рашэння», - прыводзіць Ліпковіч у сваім блогу тэкст звароту.

25 лютага начальнік Упраўлення арганізацыйна-масавай работы ідэалягічнага аддзелу Менгарвыканкаму Тамільчык паведаміў, што «гэта не іх пытанне». «Што яны не ўзгадняюць інфармацыйныя постэры. Вось калі б гэта былі СМІ, тады... А гэта мы не ўзгадняем», - піша ў сваім блогу Ліпковіч.

Яўген Ліпковіч балатуецца ў Менскі гарсавет па Валгаградскай выбарчай акрузе № 54.

У сваім блогу Ліпковіч таксама апублікаваў калаж пад назвай: «Фрагмент карціны В. Сурыкава« Наталлю Пяткевіч вязуць у Менгарвыканкам узгадняць інфармацыйны постэр Ліпковіча Е.А.»

Калаж - l-u-f-t.livejournal.com