Сайт charter97.org зноў атакавалі
19- 2.03.2010, 19:32
1 сакавіка ў 23-50 па менскім часе на сервер сайта charter97.org здзейсненая DDoS-атака.
Напад працягваўся каля двух гадзінаў, вёўся з дапамогай батнэта ў 3-4 тысячы IP-адрасоў і быў нейтралізаваны. На думку тэхнічных спецыялістаў, такім чынам быў пратэставаны новы батнэт для DDoS-атакаў.
У апошні час пачасціліся кароткачасовыя атакі на сайт charter97.org. Атакі робяцца з дапамогай невялікіх па сучасных мерках батнэтаў з вялікай колькасцю беларускіх IP-адрасоў.
З-за неабходнасці абараніць сервер ад перагрузкі, частка запытаў да сайта фільтруецца.
У выніку шмат якія карыстальнікі не могуць патрапіць на сайт. Паспрабуйце скарыстацца проксі-серверамі ці ананімайзэрамі. Прыносім прабачэнні за часовыя нязручнасці.
