Памерла спявачка Валянціна Талкунова

Вядомая спявачка Валянціна Талкунова памерла ў маскоўскай Боткінскай бальніцы на 64-м годзе жыцця.

Пра гэта паведамілі «Інтэрфаксу» ў панядзелак крыніцы ў маскоўскіх медыцынскіх колах.

Прычынай смерці, паводле папярэдніх дадзеных, стала сардэчная недастатковасць, адзначыла крыніца.

Валянціна Талкунова ў савецкія гады была выканаўцай многіх папулярных песень, у тым ліку «Стою на полустаночке», «Серебряные свадьбы», «Мой милый, если б не было войны».

Талкунова нарадзілася 12. ліпеня 1946 года ў Армавіры Краснадарскага краю. Праз год яе сям'я пераехала ў Маскву. У 1964 годзе паступіла на дырыжорска-харавое аддзяленне ў Маскоўскі дзяржаўны інстытут культуры, скончыўшы яго ў 1976 годзе. У 1971 годзе скончыла музычную вучэльню імя Гнесіных.

У 1966 годзе кампазітар і дырыжор Юрый Саульскі арганізаваў вакальна-інструментальны аркестр «ВІА-66» і запрасіў В. Талкунову ў вакальную групу (сапрана). Пяць гадоў яна аддала ансамблю.

Сольны дэбют спявачкі адбыўся ў 1972 годзе на творчым вечары паэта Льва Ашаніна, дзе яна праспявала песню Уладзіміра Шаінскага «Ах, Наташа».

З 1973 года салістка Москанцэрта, а з 1987 года мастацкі кіраўнік арганізаванага ёю Маскоўскага тэатра музычнай драмы і песні.

У лютым 1986 года адбылася прэм'ера спектакля «Рускія жанчыны» І. Катаева, дзе В. Талкунова выконвала галоўныя ролі. Нараўне з дэбютам у оперы, В. Талкунова знялася ў тым жа годзе ў фільме-фантазіі «Веру ў вясёлку».

З 1989 года - кіраўнік тэатра музычнай драмы і песні творчага аб'яднання «АРТ», у якім быў пастаўлены шэраг музычных спектакляў.

Заслужаная артыстка РСФСР (1979), народная артыстка Расіі (1984). Гастралявала ў Фінляндыі, Японіі, Індыі, Нямеччыне, Люксембургу, ЗША, Канадзе, Грэцыі, Аўстраліі, В'етнаме, Сінгапуры, Ізраілі. Спявачкай выдадзена 12 пласцінак і кампакт-дыскаў. Толькі ў музычных фільмах і тэатральных спектаклях ёю выканана больш за 300 песень. В. Талкунова 23 разы станавілася лаўрэатам тэлевізійнага конкурсу «Песня года».