Валерыя Шчукіна затрымалі за распаўсюд незалежнай прэсы

У вядомага праваабаронцы супрацоўнікі міліцыі канфіскавалі вялікі тыраж газеты грамадзянскай кампаніі «Наш дом».

Як паведамляе «Радыё Свабода», грамадскага актывіста і праваабаронцу Валерыя Шчукіна міліцыя затрымала ў Буда-Кашалёўскім раёне.

У Шчукіна канфіскавалі вялікі тыраж газеты грамадзянскай кампаніі «Наш дом».

На гэты момант былы дэпутат Вярхоўнага Савета 13-га склікання знаходзіцца ў Буда-Кашалёўскім раённым судзе, дзе павінен вырашыцца лёс газеты.