Даляр набліжаецца да адзнакі ў 2 950 рублёў

Па выніках таргоў замежнымі валютамі 5 сакавіка на Беларускай валютна-фондавай біржы курс даляра абнавіў гістарычны максімум.

Даляр павялічыўся на 6 рублёў у параўнанні з папярэднімі таргам і дасягнуў 2945 рублёў.

Курс расейскага рубля вырас на 0,15 рубля і склаў 98,70 беларускага рубля за адзін расейскі, што таксама з'яўляецца гістарычным максімумам. Курс еўра знізіўся на 9 рублёў і склаў 4003 рубля.

У дачыненні да валютнага кошыка беларускі рубель знізіўся 0,04% у параўнанні з папярэднім значэннем: сёння кошт кошыка склаў 1051,83 рубля супраць 1051,38 рубля ў чацвер. Пры гэтым курс валютнага кошыка шосты дзень запар абнаўляе свой максімум.