«Белавія»: Сярод пасажыраў чалавека з прозвішчам Бакіеў не было
8- 17.04.2010, 13:50
Экс-прэзідэнт Кыргызстана Курманбек Бакіеў у Беларусь не прылятаў, запэўніваюць у нацыянальнай авіякампаніі.
Пра гэта, у прыватнасці, заявіў сёння журналістам генеральны дырэктар Нацыянальнай авіякампаніі «Белавія» Анатоль Гусараў, перадае БелТА.
«Сярод пасажыраў «Белавія», якія прыляцелі з Масквы, пасажыраў з такой прозвішчам не было», - сказаў гендырэктар.
Адказваючы на пытанне журналістаў аб тым, ці чакаецца, што Курманбек Бакіеў бліжэйшым часам прыляціць у Беларусь, Анатоль Гусараў сказаў, што такой інфармацыі ў яго няма. «У спісах пасажыраў, якія забраніравалі квіткі, такога прозвішча таксама няма», - удакладніў ён.
Пра тое, што экс-прэзідэнт Кыргызстана ў суботу раніцай вылецеў на самалёце з Тараза ў Беларусь, паведаміла «Інтэрфаксу» інфармацыйная крыніца.
«Бакіеў, паводле нашай інфармацыі, ужо выляцеў з Тараза і накіроўваецца ў Менск. Яго чакаюць у сталіцы Беларусі », - сказаў суразмоўца агенцтва.
15 красавіка Бакіеў паведаміў журналістам, што Лукашэнка прапанаваў яму палітычны прытулак.
«Толькі што я размаўляў з Аляксандрам Рыгоравічам. Ён казаў пра гэта, але я сказаў: не, пытанне так не стаіць », - сказаў Бакіеў.
