Цэны на нафту кампенсуюць за кошт падаражэння і павелічэння падаткаў

Улады Беларусі ацэньваюць знешні шок ад змянення ўмоў імпарту нафты з Расеі ў суму 5,9 трыльёнаў рублёў - каля 2 мільярдаў даляраў.

Пра гэта сказана ў лісце аб намерах у адрас кіраўніцтва МВФ, прымеркаванага да завяршэння фінальнага агляду праграмы stand-by.

Улады таксама выказалі ў лісце кампенсацыйныя меры, якія яны маюць намер распачаць для мінімізацыі наступстваў шоку.

Так, яны маюць намер ажыццявіць «рацыяналізацыю нафтавага сектара за кошт скарачэння вытворчасці і павышэння яго эфектыўнасці». У гэтай сувязі ў лютым-сакавіку ўлады прынялі шэраг рашэнняў, прадугледжаных у лісце аб намерах. Так, былі адмены звязаныя з экспартам субсідыі нафтаваму сектару і павышаны цэны на нафтапрадукты на 7%. Дадзеныя меры «прывядуць да скарачэння страт бюджэту, якія ўзнікаюць у выніку шоку змены коштаў на нафту, на Br3, 8 трлн», - сказана ў лісце.

Улады таксама плануюць падвысіць стаўкі акцызаў на тытунёвыя вырабы і алкагольную прадукцыю на 10%, што дазволіць атрымаць даходы ў памеры Br120 млрд. Яшчэ Br350 млрд кампенсуецца за кошт анансаванага ў лісце павышэння ставак адлічэнняў у інавацыйныя фонды. Акрамя таго, «падвышэнне падаткаў на сыравінную галіну дазволіць атрымаць дадаткова Br0,6 трлн», - сказана ў лісце.

Такім чынам, дадзеныя меры, як лічаць улады, дазваляюць кампенсаваць Br4, 87 трлн, ці больш за 80% шоку.

У якасці кампенсуючай меры ўлады распачалі зніжэнне курсу беларускага рубля на 3% да кошыка валют і заяўляюць аб сваім намеры абмежаваць прырост аб'ёмаў крэдытавання ўзроўнем 15% у 2010 годзе. Улады таксама ўзмацнілі жорсткасць раней запланаваных параметраў чыстага крэдытавання дзяржпраграм, паменшыўшы яго на Br1 трлн да Br2, 2 трлн ў цэлым за год, што павінна прывесці да зніжэння ўдзельнай вагі крэдытавання дзяржпраграм да 43,5% у канцы 2010 года з 46,2% у канцы 2009 года.

Як паведамлялася, 27 студзеня 2010 года падпісаны беларуска-расейскі міжурадавы пратакол у адпаведнасці з якім асноўны аб'ём паставак нафты ў Беларусь будзе ажыццяўляцца з уключэннем у кошт стандартнай экспартнай пошліны на нафту. Бяспошлінна будзе пастаўлена толькі 6,3 млн тон (з балансавых 21,5 млн тон) для спажывання на ўнутраным рынку. У 2009 годзе нафта пастаўлялася ў Беларусь па кошце, які ўключае спецпошліны (каля 35% стандартнай пошліны).