Члены ЦВК прысвячаюць Ярмошынай вершы
22- 5.04.2010, 15:46
У сваім «творы» сакратар Цэнтрвыбаркама распавёў, як на Еўразвяз наступае беларускі АМАП на чале з Лідзіяй Ярмошынай.
Як паведамляе «Еўрарадыё», беларускія палітыкі і чыноўнікі часта пішуць вершы.
«Приснился сон ЕэСу — кошмар, армагеддон,
Из Беларуси лесом на них идет ОМОН.
А впереди ОМОНа, на пять шагов вперед,
Лишь с выборным законом Ермошина идет.
ЕС не спит, трепещет, надежно запер дверь,
Ермошину как прежде не пустит он теперь.
Ни в Прагу, ни в Варшаву, тем более в Мадрид,
В один Бобруйск, по праву, вам путь теперь открыт...».
Гэты твор сакратар Цэнтрвыбаркама Мікалай Лазавік прысвяціў Лідзіі Ярмошынай на дзень яе нараджэння - пасля таго, як ёй забаранілі ўезд у Еўразвяз.
А свой першы верш Лазавік напісаў на «парламенцкі» навагодні «агеньчык». З той пары калегі ведаюць яго «як паэта, які не заўсёды, але раз у год можа напісаць». І звяртаюцца да яго з розных нагод.
«Я, так бы мовіць, паэт прафесійны. Аматары пішуць па натхненні. Да такіх аматараў я адношу Пушкіна, Лермантава... А я - прафесійны. Калі ёсць заказ, тады і пішу», - распавёў Лазавік.
