Мядзведзеў: «Добрыя адносіны з Расеяй не перашкодзяць Украіне ісці ў Еўразвяз»

Калі ўкраінскі народ вырашыць, што яму трэба імкнуцца ў Эўразвяз, гэта ваш выбар, заявіў прэзідэнт Мядзведзеў у інтэрв'ю украінскім СМІ напярэдадні візіту на Украіну.

«Я вам скажу адкрыта, гэта не здольны нічому перашкодзіць. Калі ўкраінскі народ вырашыць, што яму трэба імкнуцца да сяброўства ў ЕЗ, - гэта ваш выбар. На самой справе кожны выбар павінен быць проста разумным. Мы ўсе ўдзельнікі еўрапейскай інтэграцыі», - адзначыў прэзідэнт РФ, перадае NEWSru.com.

Мядзведзеў нагадаў, што ў Расеі з ЕС тавараабарот 250 мільярдаў даляраў: «Гэта сур'ёзная лічба. Таму мы інтэграваныя з Еўропай вельмі цесным чынам. Калі вы лічыце, што для вас гэта цікава, гэтым таксама трэба займацца, і, відавочна, што мы ўсе прыналежым да еўрапейскай сям'і, - гэта нармальна».

Пры гэтым прэзідэнт РФ адзначыў, што калі казаць пра сяброўства ў ЕЗ, то гэта «пытанне да Ўкраіны і да Эўразьвязу». «У любым выпадку я б самым уважлівым чынам зараз адсочваў тое, што адбываецца ў ЕС, таму што імкнуцца трэба туды, дзе добра і спакойна», - сказаў ён.

Мядзведзеў заявіў, што зараз еўрапейцам яшчэ трэба справіцца з тымі цяжкасцямі, якія яны адчуваюць, «уключаючы пытанні еўразоны, неплацежаздольнасці цэлага шэрагу дзяржаў і гэтак далей».

«Яны, вядома, у сваю чаргу, будуць глядзець на тое, як у эканамічным плане прывабныя патэнцыйныя ўдзельнікі ЕЗ», - лічыць ён. Кіраўнік РФ упэўнены, што «гэта відавочна працэс неблізкі і дастаткова цяжкі, але гэта выбар Украіны», «гэта пытанне нацыянальнай, эканамічнай і іншай палітыкі».