Улады Кыргызстана нацыяналізуюць кампаніі, што належаць сям'і Бакіева
7- 28.05.2010, 16:54
Часовы ўрад Кыргызстана мае намер нацыяналізаваць некалькі гасцінічных комплексаў, якія належаць сваякам экс-прэзідэнта.
Пра гэта, паведамляюць РИА Новости са спасылкай кіргізскае інфармацыйнае агенцтва АКИpress.
Паводле праекту дэкрэту, прынятага ў чацвер часовым урадам Кыргызстана, нацыяналізацыі падлягае шэраг кампаній, якія кіруюць аб'ектамі ў курортнай зоне возера Ісык-Куль. Усе яны, як сцвярджаюць новыя ўлады, належалі сваякоў былога прэзідэнта рэспублікі Бакіева і былі набытыя імі незаконна.
Па словах намесніка старшыні Часовага ўрада рэспублікі Азымбэка Бекназарава, адзін з пансіянатаў быў прададзены "усяго за 100 тысяч сомаў (2,2 тысячы даляраў), хоць рэальны яго кошт складаў больш 2 мільёны сомаў (440 тысяч даляраў)".
Нацыяналізаваныя аб'екты ў часовым ўрадзе прапаноўваюць аддаць у распараджэнне Фонду дзяржмаёмасці.
Як адзначаюць кіргізскія СМІ, частка падлягаючых нацыяналізацыі аб'ектаў належыць жонцы былога прэзідэнта Таццяне Бакіевай, другая - яго пляменніку, сыну Джанышбека Бакіеву - экс-кіраўніку Службы дзяржаўнай аховы.
