Даўгі Беларусі: па 2,35 тысячы даляраў на кожнага жыхара

Знешні доўг Беларусі на 1 красавіка гэтага года склаў 22,24 мільярда даляраў ЗША.

Гэта 44,7% валавага ўнутранага прадукта. За IV квартал 2009 года знешні доўг вырас на 14,2% пасля павелічэння за III квартал на 9,5%.

Пра гэта паведамляе «Інтэрфакс» са спасылкай на Нацыянальны банк Беларусі.

У разліку на аднаго жыхара Беларусі валавы знешні доўг на 1 красавіка 2010 года склаў 2,35 тысячы даляраў ЗША. Напачатку 2010 года доўг на аднаго жыхара складаў 2,3 тысячы даляраў.