АДКБ будзе шукаць завадатаяў пагромаў у Кыргызтане

МЗС Расеі абвясціў, што АДКБ акажа дапамога Бішкеку ў выяўленні арганізатараў беспарадкаў на поўдні краіны.

«Прынятыя рашэнні аб аказанні кіргізскаму боку садзейнічання ў выяўленні завадатаяў беспарадкаў і актаў гвалту», - сказаў кіраўнік МЗС Расеі Сяргей Лаўроў на прэс-канферэнцыі ў сераду ў Маскве, перадае «Інтэрфакс».

Лаўроў адзначыў, што АДКБ таксама будзе аказваць матэрыяльна-тэхнічнае садзейнічанне кіргізскім праваахоўным органам, а таксама садзейнічанне ў працы на інфармацыйным полі, каб не дапусціць распальвання міжнацыянальнай варожасці ў гэтай краіне.

«Мы разлічваем, што гэтыя меры дадуць свой вынік, а ў далейшым, як я ўжо сказаў, мы будзем кіравацца статутнымі дакументамі АДКБ», - дадаў кіраўнік МЗС РФ.

Нагадаем, што арганізатарамі пагромаў у Кыргызтане, у ліку іншых, называюцца збеглы прэзідэнт Курманбек Бакіеў і яго сын Максім. Сам былы прэзідэнт Кыргызтана атрымаў прытулак у Беларусі. Учора Генпракуратура Беларусі адмовіла часоваму ўраду Кыргызтана выдаць Бакіева. Сам Бакіеў заявіў, што не збіраецца вяртацца на Радзіму, і мае намер знайсці сабе прымяненне ў вытворчай сферы.

Тым часам, 14 чэрвеня ў Вялікабрытаніі быў арыштаваны Максім Бакіеў. Ён знаходзіцца ў спісе асобаў, якія адшукваюцца Інтэрполам, і быў арыштаваны пасля сакрэтнай аперацыі, праведзенай памежным агенцтвам Вялікабрытаніі.

Мяркуецца, што Бакіеў-малодшы спадзяваўся знайсці ў Вялікабрытаніі палітычны прытулак.