Саўмін пастанавіў - адбіраць расейскі газ!

Савет Міністраў Беларусі накіраваў ліст кіраўніцтву расейскай кампаніі «Газпрам».

Беларусь будзе вымушаная праводзіць адабранне транзітнага расейскага газу для сваіх патрэбаў у выпадку далейшага абмежавання яго паставак у рэспубліку, кажацца ў лісце Савета міністраў Беларусі, падпісаным першым віцэ-прэм'ерам Уладзімірам Сямашкам і адрасаваным кіраўніцтву «Газпрама».

«Беларусь просіць устрымацца ад далейшага абмежавання паставак газу да вырашэння канфліктнай сітуацыі. У адваротным выпадку «Газпрам» будзе прымушаць праводзіць адабранне газу з транзітнай газатранспартнай сістэмы для задавальнення ў поўнай меры патрэбаў народнай гаспадаркі і насельніцтва Беларусі», - кажацца ў лісце, апублікаваным на сайце беларускага дзяржаўнага агенцтва БелТА.

У аўторак «Газпрам» давёў абмежаванні ў пастаўках газу Беларусі за даўгі да 30% ад плану з 15% у панядзелак. У далейшым гэтыя абмежаванні плануецца давесці да ўзроўня, які адпавядае запазычанасці, гэта значыць да 85%.