Праект БелАЭС за 5 дзён падаражэў амаль на $ 1 млрд

Усяго за 5 дзён кошт беларускай АЭС падаражэў на 1 млрд даляраў.

Асвятляючы вынікі перамоваў у Менску паміж першым намеснікам старшыні ўрада Беларусі Уладзімірам Сямашкам і генеральным дырэктарам дзяржкарпарацыі "Расатам" Сяргеем Кірыенкам, 25 студзеня дзяржінфармагенцтва БелТА апублікавала наступную інфармацыю: "Уладзімір Сямашка таксама нагадаў, што кошт будаўніцтва беларускай АЭС ацэньваецца ў $ 6-7 млрд." І гэта толькі сама станцыя без уліку неабходнай інфраструктуры", - дадаў ён".

20 студзеня ў Маскве адбыліся перамовы паміж кіраўнікамі ўрадаў Беларусі Міхаілам Мясніковічам і Расеі Уладзімірам Пуціным. "Расея гатовая да рэалізацыі гэтага праекта. Праект вялікі, аб'ёмны, прыкладна пад 6 мільярдаў даляраў", - адзначыў Пуцін, звярнуўшы ўвагу на неабходнасць двухбаковага ўзгаднення дакладнага кошту праекта. Кіраўнік урада Расеі заявіў, што РФ гатовая крэдытаваць будаўніцтва БелАЭС, адзначыўшы важнасць дадзенага праекта для эканомікі РБ.

У 2009 годзе Беларусь афіцыйна звярнулася да ўрада РФ з просьбай аб выдзяленні крэдыту ў памеры $ 9 млрд. на рэалізацыю праекта будаўніцтва БелАЭС. Па разліках беларускага боку, у гэтую суму ўваходзіць будаўніцтва двух блокаў АЭС і стварэнне інфраструктуры. Расейскаі бок адмовіўся фінансаваць будаўніцтва інфраструктуры, крэдыт не быў выдзелены. У сваю чаргу, Беларусь беспаспяхова спрабавала запрасіць іншыя кампаніі да рэалізацыі праекта будаўніцтва АЭС у Гродзенскай вобласці.

Такім чынам, да пачатку 2011 года няма яснасці ў найважнейшых пытаннях рэалізацыі праекта будаўніцтва БелАЭС: які дакладная кошт праекта, якую яго частка плануецца прафінансаваць за кошт расейскага крэдыту і г.д., піша ІА Регнум.

Як паведамлялася раней, Беларусь мае намер пабудаваць АЭС магутнасцю 2,4 тыс. МВт па праекце санкт-пецярбургскага інстытута "Атамэнергапраект", генпадрадчыкам вызначаная расейская кампанія "Атамбудэкспарт". Па ўмовах праведзенага ў Беларусі конкурсу і дадатковых пагадненнях, Расея абавязалася пастаўляць ядзернае паліва для БелАЭС і забяспечыць крэдытаванне яе будаўніцтва.

9 кастрычніка ў Астраўцы (Беларусь) прайшлі рэспубліканскія грамадскія слуханні папярэдняй справаздачы аб ацэнцы ўздзеяння на навакольнае асяроддзе БелАЭС (АУНА). Справаздача распрацаваная спецыялістамі РУП "БелНІПІэнэргапрам" і ДУ "Дырэкцыя будаўніцтва атамнай электрастанцыі". З высновамі беларускіх дзяржэкспертаў па АУНА не пагадзіліся ўдзельнікі грамадскіх слуханняў ні ў адной з краін, дзе такія праводзіліся. Дадзеныя слуханні з'яўляюцца умовай Орхускай канвенцыі, ратыфікаванай РБ.