Пяфціеў падаў у суд на Еўразвяз. Яго абараняюць літоўскія адвакаты

Бліжэйшы паплечнік беларускага дыктатара, у дачыненні да трох фірм якога Радай Еўразвяза ўведзеныя санкцыі, аспрэчыў гэтае рашэнне.

Інтарэсы Уладзіміра Пяфціева ў чатырох пазовах супраць Рады ЕЗ прадстаўляе аўтарытэтная літоўская юрыдычная кампанія LAWIN.

Пра тое, што Пяфціеў накіраваў пазовы, гаворыцца ў нядаўна апублікаваным афіцыйным часопісе Еўразвяза. Усяго пададзена чатыры пазовы, усе датаваныя 12 жніўнем 2011 года: адзін ад Уладзіміра Пяфціева як фізічнай асобы, тры - ад кампаній, уладальнікам або саўладальнікам якіх ён з'яўляецца - ЗАТ «Белтэхэкспарт», ПУП «БТ Тэлекамунікацыі» і ЗАТ «Спорт-пары», піша «Ежедневник».

Па ўсіх іх адказчыкам з'яўляецца Рада Еўразвяза і па ўсіх адзіная фармулёўка: адмяніць пастанову і рашэнне Рады ЕЗ ад 20 чэрвеня 2011 года, па якіх кампаніі Пяфціева трапілі пад абмежавальныя меры ў дачыненні да Лукашэнкі і шэрагу беларускіх чыноўнікаў, якія раней дзейнічалі ў Еўразвязе.

Нагадаем, што гэтае рашэнне было прынята супраць кампаній Пяфціева і шэрагу беларускіх чыноўнікаў «з мэтай узмацнення фінансавага ціску на беларускія ўлады, каб прымусіць іх спыніць рэпрэсіі супраць апазіцыі».

Доказная база ў пададзеных праз LAWIN пазовах грунтуецца на 5 пунктах, у тым ліку і на тым, што Рада Еўразвяза парушыла правы Пяфціева «на абарону і справядлівае судовае разбіральніцтва, прадугледжанае ў артыкуле 47 Хартыі асноўных правоў Еўрапейскага Звяза і артыкулаў 6 і 13 Еўрапейскай канвенцыі аб абароне правоў чалавека і асноўных свабод».

Яшчэ адзін з пунктаў абвяшчае, што Рада ЕЗ «парушыла фундаментальнае права на ўласнасць, прадугледжанае ў артыкуле 17 Хартыі асноўных правоў Еўрапейскага Звяза і артыкула 1 Пратакола № 1 Еўрапейскай канвенцыі аб абароне правоў чалавека і асноўных свабод у неапраўданыя і непрапарцыйным чынам без пераканаўчых доказаў».

Таксама, на думку пазоўніка, ў Радзе ЕЗ не было ў поўнай меры доказаў, што Пяфціеў «якім-небудзь чынам звязаны са спансіраваннем рэжыма Лукашэнкі, якім-небудзь чынам удзельнічае ў парушэнні міжнародных выбарчых стандартаў і разгоне грамадзянскай супольнасці і дэмакратычнай апазіцыі або ўвозіць у Беларусь абсталяванне, якое можа быць выкарыстанае для ўнутраных рэпрэсій».

Пра дату разгляду пазоваў не паведамляецца.

Адзначым, што кампанія LAWIN, трое юрыстаў якой абараняюць інтарэсы Пяфціева, у нядаўна апублікаваным рэйтынгу лепшых юрыдычных кампаній свету IFLR1000 заняла першыя месцы ў Літве і Латвіі і другое ў Эстоніі.

LAWIN ў цяперашні час кансультуе ўрад Літвы ў праекце па будаўніцтве новай атамнай электрастанцыі і спадарожнай інфраструктуры. У 2011 годзе менавіта яна ўдзельнічала да найбуйнейшай у Літве угодзе M&A па набыцці Geonafta групы кампаній ЗАТ Lotos Baltija і Lotos Petrobaltic.