Якубовіч узнагароджаны ордэнам Айчыны III ступені

Аляксандр Лукашэнка 26 кастрычніка падпісаў указ, у адпаведнасці з якім вялікая група прапагандыстаў ўдастоеная дзяржаўных узнагарод.

Узнагароды ўручаліся «за шматгадовую плённую працу, высокі прафесіяналізм, асабістую мужнасць, адвагу і самаадданасць».

Сярод узнагароджаных - прадстаўнікі дзяржаўных СМІ. Паводле звестак прэс-службы Лукашэнкі, ордэнам Айчыны III ступені ўзнагароджаны галоўны рэдактар ​​газеты «Советская Белоруссия» Павел Якубовіч, ордэнам Пашаны - галоўны рэдактар ​​газеты «Рэспубліка» Анатоль Лемяшонак, ордэнам Францыска Скарыны - намесніца генеральнага дырэктара СТВ Людміла Кавалёва і першы намеснік галоўнага рэдактара «Советской Белоруссии» Міхаіл Лябедзік.