Аляксандр Атрошчанкаў: «Прашу вас, будзьце моцнымі і мужнымі»

Прэс-сакратар Андрэя Саннікава і журналіст Аляксандр Атрошчанкаў даслаў ліст напярэдадні свайго суду.

Аляксандр Атрошчанкаў быў арыштаваны ў ноч з 19 на 20 снежня разам з сотнямі грамадзян Беларусі і змешчаны ў СІЗА КДБ. За прысутнасць на акцыі пратэсту супраць фальсіфікацыі вынікаў прэзідэнцкіх выбараў, як і кандыдатаў у прэзідэнты, сябраў іх штабоў і іншых журналістаў, яго абвінавацілі па артыкуле 293 КК (арганізацыя і ўдзел у масавых беспарадках). Журналіста, які на плошчы выконваў прафесійныя абавязкі, абвінавачваюць ва ўдзеле ў так званых беспарадках...

Сёння жонка палітвязня Дар'я Корсак атрымала ад мужа ліст. Вытрымкі з ліста Дар'я падала сайту charter97.org.

«Прывітанне, мілая Дашанька!

Сёння быў рады атрымаць ліст ад бацькоў і, вядома, твой ліст. Наогул, сітуацыя з лістамі прыкметна палепшылася. Не ведаю, як мае лісты, але вашыя я цяпер атрымліваю значна часцей. Зрэшты, не скажу, што я пішу вельмі шмат лістоў. Хутчэй, я пішу іх не шмат. Сама разумееш, хто жыве доўга і ў іх ёсць на тое прычыны і падставы (маецца на ўвазе выраз «параноікі жывуць доўга» - заўв. charter97.org). Сёння наогул дзень насычаны падзеямі па нашых «пенсійных» мерках: атрымаў перадачу, атрымаў таблеткі, якія ты мне дасылала раней, атрымаў твае і бацькоўскія лісты і даведаўся пра тое, што прызначаная дата суду. (...)

Даша, гэта вельмі важна. Вы малайцы, асабліва ты. Уяўляю, як табе было цяжка ўвесь гэты час. Але трэба разумець, што вынік суда таксама не будзе такім, які ўсіх нас задаволіць. Іншымі словамі, трэба быць гатовымі да горшага. Хоць яснасці ў любым выпадку дадасца.

У сувязі з гэтым, хачу папрасіць вас усіх быць моцнымі і мужнымі, ніякіх слёз і непрытомнасцяў, мер і, вядома, без усялякіх выказванняў. На гэтым будзем лічыць практычную частку ліста завершанай.

Ну, а, наогул, у мяне ўсё нармальна. Здаровы і добра харчуюся. (...) Усім перадавай прывітанне. Я на самой справе маю на ўвазе амаль усіх знаёмых, ну і сама ведаеш, каму асабліва. (...)

Добра, скончваю ліст. 1-га ўбачымся...

Твой муж»

У лісце журналіст рыхтуецца да горшага: дае настаўленні сваім братам...