Шведскі клуб публіцыстаў: Беларусы церпяць за выказванне свайго меркавання

У Беларусі павінныя быць вызваленыя ўсе палітвязні, заявіла прэзідэнт шведскага Клуба публіцыстаў Ульрыка Кнутсан.

«Я з болем сачу за падзеямі ў Беларусі, - сказала Кнутсан у інтэрв'ю агенцтву БелаПАН. - Асабліва цяжка ўсведамляць, што ў беларускіх турмах працягвае знаходзіцца такая колькасць палітычных актывістаў. Непрымальна, што пад пераслед патрапілі таксама і беларускія незалежныя журналісты. У галаву не ўкладаецца прысуд Аляксандру Атрошчанкава, сітуацыя з Ірынай Халіп, Наталляй Радзінай. Гэтыя мужныя людзі пацярпелі з-за сумленнага выканання сваіх прафесійных абавязкаў. А астатнія ўдзельнікі мірнай дэманстрацыі пацярпелі з-за выказванне свайго меркавання, якое яны мелі права выказаць».

Суразмоўца ўпэўненая, што ў дэмакратычнай краіне выказванне сваёй грамадзянскай пазіцыі і свайго меркавання ніяк не могуць лічыцца крыміналам. Па словах Ульрыкі Кнутсан, масавыя рэпрэсіі накіраваныя на фарміраванне атмасферы страху ў грамадстве, падаўленне любой альтэрнатывы, актыўнасці - палітычнай і творчай.

«Такія вось судовыя працэсы паказваюць увесь антыдэмакратычны характар ​​беларускага рэжыму. Еўрапейскі звяз неадкладна павінен рэагаваць на гэтыя жудасныя парушэнні правоў чалавека. Усе палітычныя зняволеныя павінны быць вызваленыя», - падагульніла Кнутсан.