Найбуйнейшыя банкі ўвялі валютныя абмежаванні па карт-рахунках

Банкі ўвялі абмежаванні на аперацыі з валютай па карт-рахунках без папярэджання і тлумачэнняў.

Прыорбанк, БПБ-Банк і Белінвестбанк абмежавалі аперацыі з канвертаваннем валюты. Пра гэта паведамляюць кліенты банкаў на спецыялізаваным банкаўскім рэсурсе infobank.by. Пры гэтым банкі вырашылі ніяк не тлумачыць сваіх дзеянняў і не папярэдзілі кліентаў аб новаўвядзеннях.

Так, Прыорбанк заблакаваў магчымасць пераводу з рублёвых пластыкавых карт на валютныя карты і ўклады праз інтэрнэт-банкінг. Асаблівае абурэнне кліентаў выклікала выбарачная забарона на аперацыі з валютай - для ўладальнікаў карт прэміум-класа магчымасць канвертавання захаваная.

БПС-Банк увёў абмежаванні без пісьмовага загаду кіраўніцтва. «Кліенты просяць паказаць пісьмовае распараджэнне, а ў адказ - маўляў, нам так сказала начальства банка», скардзіцца на форуме адзін з карыстальнікаў.

Толькі кіраўніцтва Белінвестбанка вырашылася публічна прызнаць, што абмежаванні ўведзеныя З 19 г.00 хв. 23 сакавіка. З гэтага часу трымальнікам пластыкавых картак ААТ «Белінвестбанк» часова недаступныя аперацыі па пераводу грашовых сродкаў з картак, намінаваных у беларускіх рублях, на карткі, намінаваныя ў замежнай валюце; ўнёску наяўных беларускіх рублёў на карткі, намінаваныя ў замежнай валюце; атрымання замежнай валюты па картках, намінаваных ў беларускіх рублях, на тэрыторыі Рэспублікі Беларусь.

«Акрамя таго, па тэхнічных прычынах недасяжная аперацыя ўзносу наяўнымі ў інфакіёсках банка. З 19 г.00 хв. 23 сакавіка 2011 года трымальнікам пластыкавых картак іншых банкаў часова недаступныя аперацыі па атрыманні замежнай валюты ў прыладах і кропках абслугоўвання ААТ«Белінвестбанк». Абмежаванні на правядзення аперацый за межамі тэрыторыі Рэспублікі Беларусь як па картках, намінаваных ў беларускіх рублях, так і па картках, намінаваных у замежнай валюце - не ўводзіцца», паведаміла прэс-служба банка.