МВФ ухваліў дэвальвацыю беларускага рубля

Міжнародны валютны фонд ухваліў рашэнне беларускіх уладаў ўвесці вольнае курсаўтварэнне паміж банкамі і кампаніямі

І заклікаў уніфікаваць валютныя курсы на ўсіх сегментах валютнага рынка ў кароткія тэрміны, паведамляюць Вести.

"Тое рашэнне, якое было абвешчанае - гэта рух у правільным кірунку. Гэта забяспечыць вялікую гнуткасць валютнага курсу", - цытуе Reuters кіраўніка прадстаўніцтва фонду ў Менску Наталлю Калядзіну.

Ажыятажны попыт на валюту страціў рэзервы Нацбанка, а абмежаванні на валютным рынку прывялі да росту коштаў на імпарт, перабояў з таварамі, з'яўлення чорнага рынку валюты, множнасці валютных курсаў і доўгіх чэргаў ў абменнікі.

Узаконіўшы "шэры" курс рубля, улады паабяцалі працаваць над тым, каб у перспектыве выйсці на адзіны курс.

"Абнадзейвае, што НБ назваў гэта часовай мерай і заявіў, што курсы будуць уніфікаваныя... Гэта павінна быць зроблена ў дастаткова кароткія тэрміны", - сказала кіраўнік прадстаўніцтва МВФ.

У Беларусі дзейнічае правіла абавязковага продажу 30-адсоткавай часткі валютнай выручкі на біржы, дзе Нацбанк жорстка кантралюе курс рубля. Пры аперацыях з насельніцтвам на рынку наяўнай замежнай валюты дзейнічае прынцып: курс Нацбанка плюс/мінус 2%.