МЗС Літвы: БелАЭС пагражае НАТА

Праекты небяспечнай атамнай энергетыкі, якія ажыццяўляюцца ля межаў НАТА, уяўляюць прамую пагрозу бяспецы краін Альянсу.

Пра гэта 18 красавіка на сустрэчы з прэзідэнтам і генеральным сакратаром Парламенцкай асамблеі НАТА Карлам Ламерсам і Дэвідам Хобсам заявіў кіраўнік МЗС Літвы Аўдронюс Ажубаліс, паведамляе Delfi.

Ён звярнуў іхнюю ўвагу на праекты атамнай энергетыкі, якія ажыццяўляюцца непадалёк ад знешняй мяжы НАТА без выканання міжнародных стандартаў бяспекі.

«Праекты небяспечнай атамнай энергетыкі, якія ажыццяўляюцца ля межаў НАТА, уяўляюць прамую пагрозу бяспецы краін Альянсу, таму гэты жыццёва важнае для ўсёй сусветнага супольнасці пытанне павіннае выклікаць неспакой ва ўсяго Альянсу», - сказаў А. Ажубаліс.

Раней ён назваў рашэнне Беларусі будаваць атамную электрастанцыю на пляцоўцы ў 50 км ад Вільні правакацыяй.

«Ёсць комплекс мер, якія Літва можа ўжыць, каб сітуацыя была празрыстай, каб пляцоўку пад АЭС адсунулі ад мяжы з Літвой, інакш як правакацыяй цяперашняе рашэнне Беларусі мы не можам назваць», - сказаў 8 красавіка Ажубаліс, адказваючы на ​​пытанне, ці паступіў адказ Беларусі на ноту Літвы.

Кіраўнік МЗС Беларусі Сяргей Мартынаў у канцы сакавіка абяцаў, што Менск неўзабаве прадставіць свой адказ на ноту Літвы па адзнацы аб уздзеянні на навакольнае асяроддзе АЭС, якую плануюць будаваць у Беларусі.