У гасцініцы «Еўропа» працаваў бардэль?

Праваахоўнымі органамі Менска ўзбуджана адразу некалькі крымінальных справаў у дачыненні да 25-гадовай жыхаркі сталіцы, якая пастаўляла дзяўчынак пастаяльцам гасцініцы «Еўропа».

Маладая жанчына ўжо арыштаваная па падазрэнні ў здзяйсненні злачынства, прадугледжанага ч.2 арт.171 Крымінальнага кодэкса Беларусі (выкарыстанне занятку прастытуцыяй або стварэнне ўмоваў для заняткаў прастытуцыяй). Акрамя таго, ёй ставіцца і здзяйсненне злачынства па ч.2 арт. 171-1 (уцягванне ў заняцце прастытуцыяй альбо прымус да працягу заняцця прастытуцыяй).

Паводле папярэдніх дадзеных, «мамка» працавала ў самай прэстыжнай гасцініцы Менска - «Еўропа», куды для пастаяльцаў пастаўляла сваіх дзяўчынак, піша "Ежедневник". Ужо сёння ўсталявана, што ў гасцініцы жанчына працавала на працягу ўсяго 2010 года, а таксама пачатку 2011 года, пакуль не была затрыманая за сутэнёрства.

У цяперашні час следчыя спрабуюць усталяваць ўсіх дзяўчынак, якія працавалі па выкліку гэтай сутэнёркі, а таксама іншыя абставіны справы. Цікава таксама і тое, як жанчына змагла абслугоўваць гасцініцу "Еўропа" больш за год і там ніхто на гэтае не заўважаў.