«Беларусбанк» перадумаў размяшчаць еўрабонды

«Беларусбанк» пераносіць размяшчэнне еўрабондаў, якое планавалася на II квартал 2011 года.

Пра гэта Прайм-ТАСС заявіла ў сераду старшыня праўлення беларускага дзяржбанка Надзея Ермакова.

«Размяшчэнне пераносіцца на больш далёкі тэрмін. Жыццё пакажа, на які», - сказала яна, дадаўшы, што «цяпер не тая сітуацыя, калі можна выходзіць на размяшчэнне».

Ермакова таксама падкрэсліла, што сума размяшчэння «застанецца тая ж самая». Раней «Беларусбанк» планаваў размясціць ва II квартале 2011 года еўрабонды на 500 млн даляраў.