«Белпошта» не можа аддаць «Пошце Расеі» 7 млн ​​даляраў

Запазычанасць «Белпошты» перад «Поштай Расеі» па грашовых пераводах паміж дзвюма краінамі на 21 красавіка склала 195 млн. рублёў (гэтая сума эквівалентная 6,9 млн. даляраў).

Беларускі паштовы аператар «Белпошта» не можа выплаціць «Пошце Расеі» доўг па пагадненні аб абмене міжнароднымі электроннымі пераводамі з-за складанасцяў з валютай, паведаміў РІА «Новости» ў чацвер першы намеснік генеральнага дырэктара «Белпошты» Генадзь Дзям'яненка.

У чацвер «Пошта Расеі» папярэдзіла сваіх кліентаў аб магчымым спыненні выплаты паштовых пераводаў з Беларусі, калі запазычанасць не будзе пагашаная.

«Нельга купіць валюту, каб разлічыцца з расейскім бокам», - сказаў Дзям'яненка. Ён не назваў суму запазычанасці, спаслаўшыся на камерцыйную тайну, але ўдакладніў, што гаворка ідзе аб некалькіх мільёнах даляраў.

З чацвярга «Белпошта» спыніла прыём міжнародных грашовых пераводаў у беларускіх рублях. Дзям'яненка патлумачыў, што з моманту ўзнікнення ў Беларусі валютных цяжкасцяў, аб'ёмы пераводаў, у прыватнасці, у Расею, павялічыліся ў дзясяткі разоў.

Ён адзначыў, што пераводы ў Расею з'яўляліся адной з легальных схем, па якой беларускія грамадзяне канвертавалі беларускія рублі ў расейскія.