Бакіеў злоўжывае гасціннасцю беларусаў

Былы прэзідэнт Курманбек Бакіеў, які быў выгнаны з Кыргызстана уласным народам, а потым размясціўся ў Беларусі, "аддзячыў" беларусам за гасціннасць.

На думку Бакіева, крывавы разгон мірнай акцыі пратэсту беларусаў супраць скрадзеных прэзідэнцкіх выбараў 19 снежня 2010 года апраўданы. "Кіраўніцтва Беларусі выбрала з двух зол меншае, з-за чаго і падвергнулася санкцыям з боку Захаду", заявіў у інтэрв'ю "Інтэрфакс Захад" беглы дыктатар.

"У Беларусі я адчуваю сябе сапраўды вольна і ў поўнай бяспецы. Я не баюся сумленнага судовага разбору, я не баюся незалежнага расследавання любога ўзроўню", выхваляецца былы прэзідэнт.

"Я спакойна выходжу на вуліцы, набярэжную. Вядома, людзі пазнаюць, звяртаюць увагу. Я ў дадзеным выпадку спрабую менш прыцягваць да сябе ўвагі. Я вольна перасоўваюся, праўда, нейкія вялікія забаўляльныя мерапрыемствы не наведваю. Не люблю шуму, імкнуся больш чытаць. Люблю паляванне, тут пачаў захапляцца рыбалкай. Наогул зносіны з прыродай, сям'ёй, праца на зямлі, зносіны з простымі людзьмі супакойваюць і значна больш задавальняюць, чым зносіны з палітыкамі. Ад Беларусі ў мяне вельмі шмат уражанняў, і яны толькі добрыя. Мне тут вельмі камфортна", распавядае пра сваё жыццё ў Беларусі Курманбек Бакіеў.

Глядзіце інтэрв'ю цалкам: