У першым квартале больш за 10% прадпрыемстваў былі афіцыйна стратнымі

Па дадзеных Белстата, па выніках працы ў студзені-сакавіку 2011 года стратнымі былі 992 прадпрыемствы і арганізацыі.

Гэта складае 10,4% ад агульнай колькасці прадпрыемстваў і арганізацый, якія ўлічваюцца ў статыстыцы, піша БелаПАН.

Сума чыстых стратаў склала 911,3 млрд. рублёў, або на 38% больш, чым за першы квартал 2010 года, паведамляе Нацыянальны статыстычны камітэт. У студзені-сакавіку 2010 года з стратамі спрацавалі 1.058 арганізацый, або 12%.

Удзельная вага стратных прадпрыемстваў па відах эканамічнай дзейнасці: сельская гаспадарка, паляванне і лясная гаспадарка - 1,6% (у студзені-сакавіку 2010 года - 2,3%); прамысловасць - 16,6% (18,5%), у тым ліку горназдабыўная - 12,9% (22,6%), апрацоўчая - 16,9% (19,6%); вытворчасць і размеркаванне электраэнергіі, газу і вады - 13,8% (7,9%); будаўніцтва - 11,6% (13,4%); гандаль і рамонт бытавых вырабаў і аўтамабіляў - 10,2% (13,2%); гасцініцы і рэстараны - 11,1% (11,1%); транспарт і сувязь - 13,7% (18,1%); аперацыі з нерухомай маёмасцю, арэнда і прадастаўленне паслуг спажыўцам - 8% (7,6%); адукацыя - 6,7% (4,4%); ахова здароўя і сацыяльныя паслугі - 11% ( 6,6%); камунальныя, сацыяльныя і персанальныя паслугі - 14,5% (15%).