Заснавальнік Prokopovi.ch: «Раю мяняць уладу, а там і да валюты справа дойдзе»

Заснавальнік электроннага абменніка Prokopovi.ch пракаментаваў сітуацыю з магчымай забаронай доступу да сайта.

Нагадаем, што пракуратура загадала абмежаваць доступ да сайта для дзяржаўных установаў, піша «Наша Ніва».

- Ці шукалі вас прадстаўнікі пракуратуры або сілавых ведамстваў?

- Ніякіх кантактаў з іх боку ніколі не было.

- Якія тэхнічныя меры будуць прымацца вамі для бесперабойнай работы сайта?

- Будзем ствараць люстэркі, змяняць ай-пі, распаўсюджваць інфармацыю аб ананімайзерах. За намі - дзесяткі тысяч людзей, якім мы патрэбныя. Без бою іх не аддадзім.

- Калі будзе закрыты доступ да сайта з Беларусі, то як бы вы параілі людзям мяняць валюту?

- Параіў бы мяняць уладу, а там і да валюты справа дойдзе.