ЕЗ разгледзіць пытанне аб увядзенні санкцый у дачыненні да дыктатара

23 мая Рада міністраў замежных справаў краін Еўразвяза разгледзіць пытанне аб увядзенні дадатковых санкцый у дачыненні да саўдзельнікаў Лукашэнкі.

Як паведамляе прэс-служба ЕЗ, дадзенае пытанне ўключанае ў парадак дня паседжання ў Бруселі.

Аб якіх менавіта санкцыях можа ісці гаворка, у паведамленні не ўдакладняецца. Чакаецца, што вынікі пасяджэння стануць вядомыя на прэс-канферэнцыі, якая пройдзе ў другой палове дня, паведамляе БелаПАН.

11 мая вярхоўны прадстаўнік ЕЗ па замежных справах і палітыцы бяспекі Кэтрын Эштан заявіла, што адзіным магчымым адказам Еўразвяза на дзеянні Аляксандра Лукашэнкі з'яўляецца увядзенне жорсткіх санкцый у дачыненні да яго і прадстаўнікоў ягонага рэжыму.

16 мая бельгійскае выданне EUobserver са спасылкай на свае крыніцы ў Брусэлі паведаміла, што ЕЗ вывучае магчымыя эканамічныя санкцыі ў дачыненні да Беларусі. Адзначалася, у прыватнасці, што кіраўнікі амбасадаў краін ЕЗ у Менску накіравалі ў Брусэль папярэдні спіс асоб і прадпрыемстваў, у дачыненні да якіх разглядаецца магчымасць увядзення новых абмежавальных мер. Сярод іх - дзяржканцэрн «Белнафтахім», група кампаній «Трайпл», кампанія «Белтэхэкспарт» і ААТ «Беларуськалій». Новыя санкцыі, падкрэсліваў EUobserver, закліканыя «ўдарыць па бюджэце Лукашэнкі, не прынесшы крызісу ў далікатную эканоміку краіны».

20 мая агенцтва AFP са спасылкай на дыпламатычны крыніца ў Бруселі паведаміла, што краіны ЕЗ дамовіліся аб унясенні ў спіс беларускіх афіцыйных асоб, у дачыненні да якіх дзейнічаюць санкцыі, 13 новых імёнаў. Гаворка ідзе ў першую чаргу аб суддзях і пракурораў, якія былі задзейнічаны ў працэсах над удзельнікамі акцыі апазіцыі 19 снежня 2010 года.