Судзяць нападнікаў на будынак Бабруйскага КДБ
11- 5.05.2011, 13:41
У Бабруйску 5 траўня ў 10-30 распачаўся суд над Яўгенам Васьковічам, Арцёмам Пракапенка і Паўлам Сырамолатавым, якіх абвінавачваюць у падпале будынка мясцовага аддзялення КДБ.
Ім пагражае ад сямі да 12 гадоў турэмнага зняволення (частка 2 артыкул 339 Крымінальнага кодэксу – “Асабліва злоснае хуліганства”), паведамляе ПЦ ПЦ «Вясна».
Журналіст “Бабруйскага кур’ера” Яўген Васьковіч быў затрыманы 17 студзеня ў Магілёве.
Нагадаем, што невядомыя ў ноч з 16 на 17 кастрычніка 2010 года ў Бабруйску здзейснілі напад на будынак КДБ. Адразу аператыўнікі затрымалі актывіста анархісцкага руху Сяргея Слюсара, правялі ў яго дома ператрус, аднак затым ён быў вызывалены, паколькі следства не ўстанавіла яго датычнасці да нападу.