The Wall Street Journal: Хай МВФ абыйдзецца з Беларуссю строга

Беларусь рызыкуе пагрузіцца ў хаос, сцвярджае The Wall Street Journal.

Лукашэнка замарожвае кошты на харчаванне і пагражае звольніць прэм'ер-міністра і кіраўніка ЦБ пасля таго, як рэзкая дэвальвацыя беларускага рубля справакавала панічную скупку харчавання і страх перад інфляцыяй, піша журналіст Рычард Барлі.

«Лукашэнка, незадаволены патрабаваннямі Расеі прадаць дзяржмаёмасць наўзамен на крэдыты, звяртаецца за дапамогай у МВФ. Але прадастаўляць яму пазыкі варта толькі на жорсткіх умовах», - піша аўтар.

У 2009-2010 гадах Беларусь ужо заняла ў МВФ 3,4 млрд даляраў і ажыццявіла 15-месячную праграму рэформаў па ягонай рэкамендацый. «Але структурныя праблемы захоўваюцца: 70% эканомікі - гэта дзяржсектар, рухавіком росту застаецца імклівая крэдытная экспансія, краіна моцна залежная ад імпарту», - гаворыцца ў артыкуле. Павышэнне дзяржвыдаткаў напярэдадні прэзідэнцкіх выбараў пагоршыла эканамічны крызіс.

«Можна паспрачацца, ці варта МВФ наогул прадастаўляць крэдыты Беларусі, - разважае аўтар, нагадваючы аб санкцыях ЕЗ і ЗША ў сувязі з прысудамі апазіцыянерам. - Новая праграма МВФ магла бы знізіць кантроль Лукашэнка над эканомікай і заахвоціць канкурэнцыю». Пазіцыі Лукашэнка на перамовах з МВФ будуць слабымі. А без рэформаў ёсць рызыка новых дэвальвацыі, абвалу эканомікі і інфляцыі.