Еўракамісар: Латвіі варта прымаць бежанцаў Беларусі

Латвіі варта прыняць бежанцаў з краін, якія не ўваходзяць у Еўрапейскі Звяз.

Аб гэтым у інтэрв'ю газеце Diena заявіла еўракамісар па ўнутраных справах Сесілія Мальстром.

«Калі бежанцы прыбудуць да вашай мяжы і запатрабуюць прытулку, міжнародныя канвенцыі абавязваюць вас іх прыняць», - сказала еўракамісар. Пры гэтым Мальстром прызнала, што ў ЕЗ не існуе механізму, як прымусіць краіну-ўдзельніцу прыняць бежанцаў.

«Зрэшты, я думаю, што вам трэба гэта рабіць. Гэта было б праявай салідарнасці. Мы ўсе падтрымліваем бамбардзіроўкі ў Лівіі, і адтуль прыходзяць бежанцы. Пакуль іх вельмі мала, большасць - у Італіі і на Мальце. Калі б усе краіны ўзялі на сябе адказнасць, гэта быў бы выдатны прыклад салідарнасьці. Але я не магу прымусіць вас гэта зрабіць. Дыктату не будзе, але будзе ціск. Я буду паўтараць, што вам варта гэта зрабіць, і многія краіны ўжо гэта робяць», - сказала яна.

Адказваючы на ​​пытанне, як Латвія можа прымаць бежанцаў пры такіх умовах жыцця, Мальстром заявіла, што бежанцам тут усё роўна будзе лепш, чым у лагеры на тэрыторыі Туніса.

«Мы фарміруем адзіную еўрапейскую сістэму прытулку, у межах якой усе краіны будуць вымушаныя ўтрымліваць больш-менш роўныя сістэмы размяшчэння бежанцаў. І гэта не дыктат Еўракамісіі. Усе краіны, у тым ліку ваш прэм'ер-міністр, пагадзіліся, што такая сістэма павінная з'явіцца. І не пазней, чым у наступным годзе», - сказала Мальстром.

Еўракамісар таксама дадала, што невядома, як будуць развівацца падзеі ў Беларусі. «Сітуацыя становіцца ўсё горш. Калі Лукашэнка пачне страляць па пратэстоўцах, людзі будуць ўцякаць. І не ў Італію», - сказала яна.