Сябрам БРСМ было страшнавата, але яны ўсё роўна пляскалі (Відэа)

Падчас параду 3 ліпеня ў Менску прамова беларускага дыктатара не была сустрэтая бурнымі авацыямі.

Справа ў тым, што арганізатары «акцый маўклівага пратэсту» як раз абралі апладысменты сімвалам праявы сваёй пазіцыі, і дапушчаным за турнікеты, бліжэй да месца правядзення парада, грамадзянам было настойліва рэкамендавана ў ладкі ня пляскаць.

Аднак Naviny.by ўсё-ткі знайшлі людзей, якія ў час параду пляскалі. Імі апынуліся ... сябры БРСМ.

«Усё шыкоўна, усё выдатна, - падзяліліся яны сваімі эмоцыямі. - Але некаторыя баяцца пляскаць. Таму што пакараныя могуць быць, усе напалоханыя ўсім ... Нават страшнавата».