У Польшчы расследуюць выпадак з рахункамі Бяляцкага
7- 12.08.2011, 14:04
Генеральны пракурор Польшчы пачаў службовае расследаванне, хто вінаваты ў выдачы рахункаў Алеся Бяляцкага беларускім уладам: існуючыя працэдуры альбо канкрэтныя чыноўнікі.
Пра гэта паведаміў прэс-сакратар Польскай пракуратуры Мацвей Куяўскі.
Папярэднія вынікі расследавання павінныя быць прадстаўленыя да аўторка 16 жніўня. Тады будзе вырашана, ці будуць ужытыя нейкія санкцыі супраць канкрэтных чыноўнікаў. Цяпер кожны запыт, які датычыцца беларускіх грамадзянаў, павінен ўзгадняцца з Генеральнай пракуратурай.
