На пікеце каля Горацкай калоніі затрыманыя актывісты «Еўрапейскай Беларусі»

У выніку разгону акцыі ў падтрымку Зміцера Дашкевіча каля Горацкай калоніі затрыманыя чацвера актывістаў грамадзянскай кампаніі "Еўрапейская Беларусь"

Гэта Аляксандр Вялітчанка, Аляксей Сянчыла, Уладзімір Радкевіч і Паншын Раман.

Каля 19.30 вечара Уладзіміра Радкевіча выпусцілі без складання пратаколу. Са слоў актывіста астатнія засталіся ў РУУСЕ да раніцы трэцяга жніўня. На затрыманых складаюцца пратаколы об удзеле за удзел у несанкцыянаванай акцыі.

Суды над 14 актывістамі, якія прыехалі падтрымаць палітвязня Змітра Дашкевіча, пройдуць у сераду.