У віцебскім манастыры здарылася забойства
4- 8.08.2011, 15:25
Ахвярай злачынства стаў 55-гадовы пастаялец прытулку для бяздомных пры манастыры.
Аб гэтым паведаміў БелаПАН следчы следчага аддзела пракуратуры Віцебскай вобласці (па Віцебску) Артур Судзілоўскі.
Мужчына жыў тут і дапамагаў па гаспадарцы каля трох месяцаў. Падазраваны, 48-гадовы раней судзімы за замах на забойства, - такі ж «памагаты», жыў у прытулку, але нядаўна знайшоў сабе новы прытулак, куды вырашыў перабрацца. Мужчыны даўно адчувалі адзін да аднаго непрыязнасць.
7 жніўня падазраваны ў стане моцнага алкагольнага ап'янення прыйшоў у прытулак, каб сабраць свае рэчы. У гэты момант і адбылася сварка, якая скончылася забойствам. Злачынца нанёс ахвяры адзін удар нажом у грудзі. Міліцыю выклікалі пастаяльцы прытулку, якія прысутнічалі пры сварцы.